Paolo Flores                                                                                                                                       August 12, 2013

3B                                                                                                                                                           FCC – Filipino Movie

Review

Film Review: Sister Stella L.

Paglalahat: Matapos malaman ni Sister Stella ang pagwawalang-bahala sa kalidad ng pag-aalaga at respeto sa mga trabahador, nabuksan ang kanyang pananaw sa politikal na aspeto ng pamahalaan at sa mga trabahador, at nakisali siya sa kanilang mga demonstrasyon sa harap ng pabrikang pinagtatatrabahuhan nila. Nakaranas siya at ang iba pang mga manggagawa ng mga problema – patayan, madaming nasaktan – siya pa rin ay nagpursugi sa pagbubukas ng mga mata ng Pilipino sa kalagayan ng mga manggagawa hanggang sa pinakahuling eksena ng pelikula.

Review:

                Ito ang isa sa Pilipinong Pelikula na puno ng mura kapag si Jay Ilagan, ang actor para kay Nick Fajardo, ang dating kasintahan ni Sister Stella, ang magsasalita na. Inilalarawan ang isa sa mga problema sa Pilipinas noong matapos ang Martial Law, at kakalaya lang ng mga Pilipino sa isang panahong narerestrikto ang kalayaan ng pagpapahayag, na takot silang magpalabas ng mga artikulong bumabatikos sa pamahalaan, sa takot na maaaring maulit ang kanilang naranasan; marahil, ito ang isa sa mga dahilan kaya makikita na kahit ang mga nagpoprotesta ay natatakot dahil sa trato sa kanila noon ay di pa rin nagbago sa kasalukuyang panahon.

                Ang pelikula ay di gaanong maganda, lalo na sa transitional effects; nagkakaroon ng saglitang pagbabago o putol na walang koneksyon sa panahon na nangyari ang isang pangyayari sa isa pang pangyayari. Problema pa, yung audio na ginamit, mas malakas pa ang background sound kaysa sa boses ng mga karakter, kaya minsan di maintindihan ang sinasabi. Ang medyo nagpaganda lang ay ang tindi ng emosyon na ipinahihiwatig ng bawat karakter; bawat saglit may drama, ngunit di naman gaanong nakakalimutan lagyan ng ligaya ang iilang eksena, lalo ng kapag ipinagsasama sina Sister Stella at si Nick.

                Minsan nga lang, sobra ang drama na kanilang ibinibigay, na dumadagdag ito sa problema ngunit walang relasyon sa pinakasinasabi ng pelikula; halimbawa na lang, yung buntis na alaga ni Sister Stella sa Kumbento, isinaad niya ang kanyang problema kay Stella, at habang nagpatuloy ang storya, niabunyag kung ano ang nangyari sa kanya, kung paano iniwan lang siya ng kanyang kasintahan. Sa huli, pinakita na di niya na kinaya ang pagod at gulo na nangyayari sa kanyang isipan, at sa pagtanggi ni Sister Stella na manatili sa kumbento, siya ay nagpakamatay. Sinasabi nito kung paano tayong mga Pilipino ay nagiging emosyonal, lalo na sa oras ng kalungkutan o problema.

                Nailantad din ang iilang problema noong panahong iyon na sa hanggang ngayon ay makikita pa rin: pag-aabuso sa mga manggagawa, lalo na sa mga manggagawang di nakatapos ng kolehiyo o kaya mataas na edukasyon. Hindi sila binibigyan ng gaanong importansya, at tingin ng mga namumuno ng mga pagawaan ay gamit lang sila na madaling pallitan. Halimbawa nga eh kung paano pinatay ang namumuno sa demonstrasyon ng mga inutusang tao ng may-ari ng pabrika sa pag-iisip na titigil ang kani-kanilang demonstrasyon, pero hindi ito tumigil. Tumatag pa ito at naipakita ang kagalingan ng mga Pilipino sa kanilang pagkakaisa.

                Naipakita din ang mga problema sa Komunismo, lalo na sa grupo ng CPP/NPA (Communist Party of the Philippines/New People’s Army) kung saan ay tutol sila sa pamumuno ng babaeng presidente.

                Maibibigay ko sa pelikula na ito ang 3 out of 5 stars. Maganda ang isinasabi, ngunit magulo ang daloy at ang mga epekto na ginamit upang mapaganda ito.